Մեկնարկեց «Կամավորության կարևորությունը և հնարավորությունները Հայաստանի ավագ դպրոցներում» ծրագիրը



«Զարգացում» հասարակական շարժումը Պարգևենք ժպիտ ՀԿ-ի հետ համատեղ սկսեց  «Կամավորության կարևորությունը  և հնարավորությունները Հայաստանի ավագ դպրոցներում» ծրագիրը: Ծրագրի նպատակն է կամավորության ինստիտուտի ներդրումը և զարգացումը ավագ դպրոցներում, երեխաների հետ աշխատանքը և նրանց ներգրավվածության մեծացումը հասարակական կյանքում:
Ծրագրի շրջանակներում առաջին այցը կատարվեց ապրիլի 9-ին Նոր Նորքի 2-րդ զանգվածում գտնվող Կարեն Դեմիրճյանի անվան թիվ 139 ավագ դպրոց, որտեղ իրականացվեց պրեզենտացիա կամավորության, նրա պատմության և զարգացման մասին, և ապա ՀԿ-ների ներկայացուցիչները պատմեցին իրենց գործունեության,առաքելության և ընթացիկ ապագա ծրագրերի մասին:
Դրանից հետա ցանկություն հայտնած երեխաները ընտրեցին իրենց ավելի հոգեհարազատ ոլորտը, որպեսզի մասնակցեն ՀԿ-ների ընթացիկ աշխատանքներին և ծրագրերին:
Ծրագիրը երկարաժամկետ է և ներառում է մի քանի փուլեր, որոնցից յուրաքանչյուրն կընդգրկի Երևանի բոլոր համայնքներից մեկական դպրոց: Բոլոր հետաքրքրված երիտասարդները, ովքեր ցանկանում են ստանալ կամ խորացնել իրենց գիտելիքները կամավորության, կամավորական աշխատանքի,դրա թերությունների և առավելությունների վերաբերյալ,ներգրավվել հասարակական աշխատանքում և ունենալ իրենց ներդրումը, կարող են մասնակցել ծրագրին իրենց դպրոցներում: Ծրագրի ավարտին ամենաակտիվ  մասնակիցները կստանան վկայագրեր: